Савет міністраў Беларусі прыняў пастанову «Аб рэалізацыі маркіраваных тавараў».
Як паведамілі ў прэс-службе ўрада, пастановай адмяняецца абавязак па маркіроўцы астаткаў безалкагольных напояў і сокаў сродкамі ідэнтыфікацыі. Акрамя таго, дакумент прадугледжвае магчымасць абароту на тэрыторыі краіны прадметаў адзення з натуральнага футра, маркіраваных знакамі старога ўзору (абароненыя матэрыяльныя носьбіты з нанесенымі сродкамі ідэнтыфікацыі).
“Прыняцце пастановы дазволіць знізіць нагрузку на суб’екты гаспадарання ў частцы ўкаранення механізму маркіроўкі тавараў сродкамі ідэнтыфікацыі, папярэдзіць магчымыя збоі ў задавальненні спажывецкага попыту насельніцтва на сокі і безалкагольныя напоі”, – растлумачылі ў прэс-службе ўрада.
🔥 Падтрымайце Reform.news данатам!