У Расіі чакаюць хуткага візіту спецпасланніка прэзідэнта ЗША Стыва Уіткафа і Джарэда Кушнера. Пра гэта паведамляюць сёння расійскія СМІ са спасылкай на спецпрадстаўніка прэзідэнта РФ па інвестыцыях Кірыла Дзмітрыева і памочніка прэзідэнта Юрыя Ушакова.
Мэты візіту не раскрываюцца. Уіткаф і Кушнер выступаюць перамоўшчыкамі з боку ЗША як па двухбаковых пытаннях адносін з РФ, так і ў рамках спроб Вашынгтона спыніць расійска-ўкраінскую вайну.
Раней прэзідэнт Украіны Уладзімір Зяленскі казаў, што Уіткаф і Кушнер могуць спачатку наведаць Кіеў, а затым Маскву, каб аднавіць перамоўны працэс, які быў пастаўлены на паўзу пасля пачатку аперацыі супраць Ірана.
🔥 Падтрымайце Reform.news данатам!
