Сёння на Нацыянальным прававым інтэрнэт-партале апублікаваныя рашэнні Гомельскага і Віцебскага аблвыканкамаў, якімі ўстаноўлены тэрміны збору журавін і брусніц у 2026 годзе. Такім чынам, сталі вядомыя дазволеныя тэрміны збору ягад ва ўсіх рэгіёнах Беларусі.
У 2026 годзе ягады можна збіраць:
- у Віцебскай вобласці брусніцы з 15 жніўня, а журавіны — з 14 верасня,
- у Гомельскай вобласці брусніцы з 12 жніўня, а журавіны — з 10 верасня,
- у Мінскай вобласці брусніцы з 14 жніўня, а журавіны — з 8 верасня,
- у Магілёўскай вобласці брусніцы з 14 жніўня, а журавіны — з 12 верасня,
- у Гродзенскай вобласці брусніцы з 14 жніўня, а журавіны — з 12 верасня,
- у Брэсцкай вобласці брусніцы з 12 жніўня, а журавіны — з 10 верасня.
Збор ягад у забароненых месцах, а таксама да ўстаноўленых тэрмінаў цягне адміністрацыйную адказнасць паводле часткі 2 артыкула 16.19 КаАП Рэспублікі Беларусь. Парушальнікам пагражае штраф да 20 базавых велічынь.
🔥 Падтрымайце Reform.news данатам!
