Савет міністраў пастановай №815 ад 31 снежня зацвердзіў палажэнне аб ацэнцы эфектыўнасці службовых камандзіровак за мяжу. Дакумент сёння апублікаваны на Нацыянальным прававым інтэрнэт-партале і ўступае ў сілу пасля апублікавання.
У палажэнні прапісана, што ацэнка эфектыўнасці праводзіцца для суаднясення рэальнай эканамічнай аддачы, знешнепалітычнага або іншага важнага для краіны эфекту і выдаткаваных дзяржаўнымі органамі сродкаў.
Да паказчыкаў эфектыўнасці ўрад адносіць:
- вынікі знешнеэканамічнай дзейнасці дзяржаўнага органа (дзяржаўнай арганізацыі) у краінавым разрэзе;
- павелічэнне вартасных і (або) фізічных аб’ёмаў экспартных паставак тавараў у адпаведныя краіны;
- павелічэнне аб’ёмаў экспартаваных паслуг у вартасным выражэнні;
- пры асваенні новых краінавых рынкаў збыту — станоўчую дынаміку экспартных паставак новых відаў тавараў і паслуг у адпаведныя краіны;
- пры прыцягненні замежных інвестыцый — аб’ёмы прыцягнутых прамых замежных інвестыцый;
- пры ажыццяўленні інвестыцый за мяжой — удзел беларускіх суб’ектаў гаспадарання ў інвестыцыйных праектах у замежных дзяржавах, набыццё імі замежных актываў, уваходжанне ў замежныя холдынгі і карпаратыўныя структуры, стварэнне ўласных (галіновых) суб’ектаў тавараправодчай сеткі, уключаючы зборачныя і сумесныя вытворчасці, сэрвісныя і лагістычныя цэнтры;
- пры адкрыцці новых крэдытных ліній — памер прадастаўленых крэдытных рэсурсаў (траншаў);
- пры атрыманні міжнароднай тэхнічнай, гуманітарнай дапамогі — памер атрыманай дапамогі ў грашовым або натуральным выражэнні;
- пры супрацоўніцтве на міжрэгіянальным узроўні — рост рэгіянальных эканамічных паказчыкаў у знешнім гандлі з адпаведным рэгіёнам замежнай дзяржавы;
- заключэнне дагавораў (пагадненняў), якія маюць важнае палітычнае, эканамічнае, навуковае, навукова-тэхнічнае і іншае значэнне, і іх практычная рэалізацыя;
- забеспячэнне інтарэсаў Рэспублікі Беларусь у адносінах з замежнымі дзяржавамі, міжнароднымі арганізацыямі і міждзяржаўнымі ўтварэннямі;
- фарміраванне і ўмацаванне станоўчага іміджу Рэспублікі Беларусь на міжнароднай арэне, у тым ліку шляхам удзелу ў навуковых, культурных і спартыўных мерапрыемствах, мерапрыемствах гуманітарнага характару;
- практычныя вынікі развіцця міжведамаснага супрацоўніцтва;
- пры павышэнні кваліфікацыі, стажыроўцы, іншым навучанні работнікаў дзяржаўнага органа (дзяржаўнай арганізацыі) — ступень прымянення атрыманых ведаў і вопыту ў практычнай дзейнасці;
- рэалізацыя задач, звязаных з забеспячэннем нацыянальнай бяспекі;
- выкананне іншых задач у агульнадзяржаўных інтарэсах, дасягненне іншых вынікаў, якія маюць станоўчы эфект, з улікам спецыфікі дзейнасці дзяржаўнага органа (дзяржаўнай арганізацыі).
На падставе вынікаў ацэнкі дзяржаўны орган або дзяржаўная арганізацыя павінны распрацоўваць меры па павышэнні эфектыўнасці камандзіровак. Справаздачы аб ацэнцы павінны быць прадастаўлены да 1 сакавіка года, наступнага за справаздачным.
🔥 Падтрымайце Reform.news донатам!