Уступіў у законную сілу прысуд у дачыненні да былога генеральнага дырэктара абласнога вытворчага лесагаспадарчага аб’яднання. Ён прызнаны вінаватым у атрыманні хабару ў асабліва буйным памеры, паведамляе пракуратура.
Судовая калегія па крымінальных справах Магілёўскага абласнога суда пацвердзіла прысуд, раней вынесены абласным судом. Мужчыну было прызначана пакаранне ў выглядзе пазбаўлення волі тэрмінам на 10 гадоў са штрафам у памеры 2000 базавых велічынь (90 тыс. рублёў) і з пазбаўленнем права займаць пасады, звязаныя з выкананнем арганізацыйна-распарадчых і адміністрацыйна-гаспадарчых абавязкаў, тэрмінам на 5 гадоў.
Паводле версіі абвінавачання, гендырэктар са снежня 2016 года па снежань 2024 года на сістэмнай аснове атрымліваў хабар ад прадстаўнікоў камерцыйных арганізацый, у тым ліку замежных, а таксама ад індывідуальнага прадпрымальніка. Узнагароджанне прызначалася за вытворчасць і пастаўкі піла- і лесаматэрыялаў, а таксама пастаўкі і аплату, у тым ліку пагашэнне запазычанасці, за лесагаспадарчае і дрэваапрацоўчае абсталяванне.
Усяго гендырэктар атрымаў хабары на суму больш за 190 тыс. рублёў, у тым ліку ў выглядзе матэрыяльных каштоўнасцей, сродкаў у рублях і валюце. Акрамя таго, за яго ўносіліся лізінгавыя плацяжы.