Палата прадстаўнікоў прыняла законапраекты, якімі зацвярджаюцца справаздачы аб выкананні рэспубліканскага бюджэту і бюджэту ФСАН у 2025 годзе.
Законам «Аб рэспубліканскім бюджэце на 2025 год» былі прадугледжаны выдаткі ў суме 50,3 млрд рублёў пры даходах у 45,8 млрд рублёў з дэфіцытам 4,5 млрд рублёў.
З улікам унесеных у 2025 годзе змяненняў удакладненыя паказчыкі рэспубліканскага бюджэту склалі: па выдатках — 53,4 млрд рублёў, даходах — 49,5 млрд рублёў, дэфіцыт бюджэту — 3,8 млрд рублёў.
Фактычна ў рэспубліканскі бюджэт у мінулым годзе паступіла 50,4 млрд рублёў. Асноўнай крыніцай фарміравання даходаў былі падатковыя даходы, за кошт якіх сфарміравана 69,7% усіх даходаў (непадатковыя даходы склалі 15,2%, бязвыплатныя паступленні — 15,1%).
Выдаткі рэспубліканскага бюджэту за 2025 год склалі 52,4 млрд рублёў.
Дэфіцыт склаў 2 млрд рублёў, або 0,7 працэнта да ВУП.
Першапачаткова даходы бюджэту ФСАН на 2025 год былі зацверджаны ў памеры 32,77 млрд рублёў, выдаткі — 32,27 млрд рублёў, прафіцыт за кошт сродкаў прафесійнага пенсійнага страхавання — 501,8 млн рублёў.
Асноўную крыніцу даходаў бюджэту фонду ў мінулым годзе склалі абавязковыя страхавыя ўзносы, або 33,43 млрд рублёў. Яшчэ 240,1 млн рублёў ФСАН прынеслі ўзносы на прафесійнае пенсійнае страхаванне, непадатковыя даходы склалі 581,4 млн рублёў, а з рэспубліканскага бюджэту паступіла 1,97 млрд рублёў.
Выдаткі бюджэту фонду ў 2025 годзе склалі 32,575 млрд рублёў.
Найбольшую ўдзельную вагу ў выдатках бюджэту фонду складаюць выдаткі на выплату пенсій (80,1 працэнта) і дапамог (18,6 працэнта).
Бюджэт фонду ў 2025 годзе быў выкананы з прафіцытам у суме 3,65 млрд рублёў.
