Былы дырэктар аднаго з прадпрыемстваў Пінскага раёна стаў фігурантам крымінальнай справы.
Як паведамілі ў пракуратуры, падазраваны на працягу больш як двух гадоў пры наяўнасці праблем з аплатай ужо пастаўленых тавараў заключаў дадатковыя пагадненні аб падаўжэнні тэрмінаў аплаты па дагаворах. Таксама ён працягваў адгружаць тавары пры наяўнасці запазычанасці.
“Проціпраўнымі дзеяннямі арганізацыі нанесена шкода ў выглядзе пратэрмінаванай знешняй дэбіторскай запазычанасці на агульную суму больш за 1,5 млн рублёў, што з’яўляецца асабліва буйным памерам”, – гаворыцца ў паведамленні пракуратуры.
Дзеянні былога дырэктара кваліфікавалі па ч. 3 арт. 424 КК (“Злоўжыванне ўладай або службовымі паўнамоцтвамі”).
🔥 Падтрымайце Reform.news данатам!