У маі інфляцыя склала ўсяго 0,1%. Гадавы паказчык росту цэн зменшыўся да 4,8%.
Мацней за ўсё ў мінулым месяцы падаражэлі чыгуначныя білеты. Так, у цэлым яны падаражэлі на 8,1%, пры гэтым праезд у цягніках рэгіянальных ліній эканомкласа падаражэў на 26,79%, у міжрэгіянальных зносінах — на 5,72%, а ў міжнародных — на 5,56%. Нагадаем, тарыфы на чыгуначныя перавозкі ў Беларусі ўстанаўлівае МАРГ. Таксама ў мінулым месяцы на 11,89% падаражэла капуста, на 5,56% — паслугі дашкольных устаноў, а на 4,75% — запалкі.
Таннелі ў маі мацней за ўсё гародніна і садавіна. Так, цэны на памідоры знізіліся на 25,23%, на агуркі — на 17,86%, на авакада — на 15,43%, на бананы — на 14,67%, на салодкі перац — на 12,3%.
Паводле даных Белстата, з пачатку года мацней за ўсё падаражэў вінаград — на 27,28%, на 26,79% — праезд у цягніках рэгіянальных ліній эканомкласа, на 25,88% — праезд у прыгарадным грамадскім транспарце, на 23,12% — абыходжанне з ЦКА.
У параўнанні са снежнем мацней за ўсё знізіліся цэны на агуркі (-27,57%), яблыкі (-16,92%), салодкі перац (-13,2%), цытрусавыя (-12,08%), бананы (-9,45%).