Хактывісцкай групе «Кіберпартызаны» стала вядома новая дэталь у справе знікнення экс-спікера Каардынацыйнай рады Анжалікі Мельнікавай.
Паводле інфармацыі групы, 24 сакавіка 2025 года з рахунку НКА «Belarus Liberty» праз асабісты рахунак Мельнікавай быў выкананы перавод у літоўскую крыптабіржу UAB ONLYCHAIN FINTECH LIMITED. Гэты перавод магла выканаць Мельнікава або хтосьці з доступам да яе рахункаў.
«Кіберпартызаны» заяўляюць, што расследаванне адносна знікнення Мельнікавай працягваецца, але яны не могуць апублікаваць усю вядомую інфармацыю.
Пра знікненне спікера Каардынацыйнай рады Анжалікі Мельнікавай было публічна абвешчана 28 сакавіка 2025 года. Яе месцазнаходжанне застаецца невядомым. Паводле інфармацыі польскага выдання Polityka, Мельнікава з дзвюма дочкамі вылецела з Лондана ў Шры-Ланку 28 лютага і знаходзілася там да 7 сакавіка, а затым яны вылецелі ў Дубай. Каардынацыйны савет заяўляў, што 13 сакавіка з акаўнта Мельнікавай былі скачаны файлы, якія датычацца працы КС.
У сакавіку на асабісты рахунак Мельнікавай са рахунку фонду «Białoruś Liberty» некалькімі аперацыямі было пераведзена больш за 150 тысяч долараў. Як высветлілі «Кіберпартызаны» і The Insider, Мельнікава лятала на Кубу і Шры-Ланку з супрацоўнікам беларускіх спецслужбаў Аляксеем Лабеевым.
