Першы віцэ-прэм’ер расійскага ўрада Дзяніс Мантураў чакае, што доследны ўзор самалёта “Асвей” паляціць у 2027 годзе. Пра гэта ён заявіў у Мінску пасля сустрэчы з Аляксандрам Лукашэнкам.
“Мы сёння рухаемся па тым графіку, які адкарэктаваны. У наступным годзе атрымаем доследны ўзор, які пачне лётныя выпрабаванні. Разлічваем, што да канца 2029 года скончым сертыфікацыю і гэты самалёт атрымае пуцёўку ў жыццё на рынку Беларусі, Расіі. Разлічваем і ў трэція краіны пастаўляць”, – сказаў ён, перадае БелТА.
Першапачаткова меркавалася, што доследны ўзор павінен паляцець у 2026 годзе.
Мантураў таксама адзначыў, што беларускія прадпрыемствы ўжо ўдзельнічаюць у вытворчасці расійскіх самалётаў, у прыватнасці выпускаюць кампаненты, у Мінску выконваецца афарбоўка.
Сустракаючыся сёння з Мантуравым, Лукашэнка прапанаваў абмеркаваць нейкія “непаразуменні”, якія ёсць у праекце “Асвея”.