У Беларусь прыбыла чарговая партыя знішчальнікаў Су-30СМ2, паведамляе Мінабароны.
«Галоўная задача воінаў-авіятараў — гэта абарона паветраных рубяжоў нашай краіны. Яны стаяць на першым рубяжы абароны. Паступленне новай авіяцыйнай тэхнікі — гэта заўсёды свята для воінаў-авіятараў. Кіраваць знішчальнікам, які толькі што выйшаў з завода, ганарова і прыемна, але і абавязвае да многага. Пачуццё адказнасці, якое адчувае авіяцыйны персанал пры абслугоўванні такой авіяцыйнай тэхнікі, проста зашкальвае», — заявіў намеснік камандуючага ВПС і войскамі ППА — начальнік авіяцыі палкоўнік Аляксандр Бяляеў.
***
Першае звяно шматмэтавых знішчальнікаў Су-30СМ было пастаўлена ў Беларусь у лістападзе 2019 года. Паведамлялася, што беларуская армія заключыла кантракт на пастаўку 12 машын. Да канца 2022 года павінны былі быць пастаўленыя яшчэ чатыры знішчальнікі, але самалёты так і не з’явіліся ў Беларусі ні ў 2022-м, ні ў 2023 гадах. У 2024 годзе без асаблівай рэкламы ў Беларусь даставілі яшчэ 4 знішчальнікі.
У далейшым Расія замест Су-30СМ вырашыла пастаўляць у Беларусь Су-30СМ2.
Су-30СМ2 — гэта мадэрнізаваны расійскі шматмэтавы знішчальнік пакалення 4++, створаны на базе Су-30СМ. Ён распрацаваны ОКБ Сухога. На ім устаноўлены новыя рухавікі, мадэрнізаваная РЛС, пашырана наменклатура прымяняемага ўзбраення.
Першая пара самалётаў Су-30СМ2 прыбыла ў Беларусь толькі ў маі 2025 года. У жніўні прыбылі яшчэ два самалёты, у снежні — наступныя два.
