31 ліпеня ў пункце пропуску «Новая Гута» на беларуска-ўкраінскай мяжы 10 украінскіх пенсіянераў і маламабільных грамадзян, а таксама чацвёра дзяцей змаглі ўз’яднацца са сваімі сем’ямі.
10 пенсіянераў і маламабільных грамадзян жылі ў Расіі і цяпер накіруюцца да сваякоў ва Украіну.
«Яшчэ 5 чалавек змаглі вярнуцца з Украіны ў Беларусь, іх ужо чакаюць сваякі ў нашай краіне», — паведамляе «Першы інфармацыйны».
З роднымі таксама сустрэліся чацвёра ўкраінскіх дзяцей, якія знаходзіліся ў Расіі — 6-гадовы хлопчык, 9-гадовая дзяўчынка і двое 15-гадовых падлеткаў.
Вяртанне ўкраінскіх дзяцей стала магчымым дзякуючы пасярэдніцтву Меланіі Трамп, заявіў украінскі амбудсмен Дзмітрый Лубінец.
🔥 Падтрымайце Reform.news данатам!
