Аналітыкі Еўразійскага банка развіцця бачаць прыкметы ўстойлівага зніжэння інфляцыі ў Беларусі. Пра гэта гаворыцца ў штотыднёвым аглядзе эканомік краін – удзельніц банка.
На мінулым тыдні Белстат паведаміў, што гадавая інфляцыя ў сакавіку склала 5,4% пасля 5,6% у лютым.
“Асноўны ўклад унёс зніжэнне тэмпаў росту цэн на харчовыя тавары — да 7,8% г/г з 8,7% г/г месяцам раней. У значнай ступені гэта звязана з больш умераным ростам цэн на сезонныя гародніну і садавіну — 3,5% г/г пасля 5,6% г/г у лютым. Пры гэтым чакана паскорылася інфляцыя ў паслугах (6% г/г пасля 5,4% г/г) з-за пераносу павышэння тарыфаў на ЖКП з студзеня на сакавік”, – гаворыцца ў аглядзе.
У ЕАБР звяртаюць увагу на тое, што тэмпы росту цэн зніжаюцца чацвёрты месяц запар. Пры гэтым запаволенне базавай інфляцыі паказвае на «ўстойлівасць дэзінфляцыйных працэсаў».
“Чакаем, што рост цэн у 2026 г. застанецца ў межах мэтавага параметру — не вышэй за 7%”, – падсумавалі ў ЕАБР.