Белстат апублікаваў звесткі пра фінансавыя вынікі працы арганізацый за студзень—красавік 2026 года.
У аператыўную справаздачу Белстата не ўключаюцца банкі, НКФА, страхавыя, бюджэтныя арганізацыі і арганізацыі без ведамаснай справаздачнасці з колькасцю работнікаў менш за 50 чалавек.
У студзені—красавіку выручка арганізацый павялічылася на 7,4% да 183,84 млрд рублёў. У красавіку яна склала каля 48,6 млрд рублёў, што на 1,4 млрд менш, чым у сакавіку.
Сабекошт рэалізаванай прадукцыі вырас на 7,2% да 151,75 млрд рублёў.
Чысты прыбытак вырас на 9,3% да 7,86 млрд рублёў. Па выніках першага квартала паказчык прыбытку зніжаўся.
Рэнтабельнасць продажаў склала 6,4%, застаўшыся на ўзроўні мінулага года.
Стратнымі ў студзені—сакавіку былі 2122 арганізацыі, што на 29% больш, чым за аналагічны перыяд мінулага года.
Дэбіторская запазычанасць на 1 мая склала 105,5 млрд рублёў. За красавік яна вырасла на 0,3 млрд рублёў, а з пачатку года скарацілася на 0,2%.
Аб’ём крэдыторскай запазычанасці ў красавіку скараціўся на 3,7 млрд рублёў да 123,47 млрд рублёў, з пачатку года ён знізіўся на 0,3%.
Запазычанасць па крэдытах і пазыках з пачатку года вырасла на 1,8% да 144,68 млрд рублёў.