Сіноптыкі падоўжылі аранжавы ўзровень надворнай небяспекі на чацвер, 7 мая.
“Днём 6 мая (серада) у многіх раёнах па поўдні рэспублікі максімальная тэмпература паветра дасягне +30… +31°С.
7 мая (чацвер) уначы па паўночна-заходняй палове, днём на большай частцы тэрыторыі рэспублікі чакаюцца навальніцы, днём пры навальніцах месцамі моцныя ліўні і шквалістае ўзмацненне ветру парывамі 15-20 м/с.
Па паўднёвым усходзе максімальная тэмпература паветра дасягне +30°С. У Мінску чакаецца навальніца, днём пры навальніцы месцамі па горадзе шквалістае ўзмацненне ветру”, – гаворыцца ў папярэджанні.
Заўтра надворныя ўмовы ў Беларусі будуць вызначаць атмасферныя франты і няўстойлівая паветраная маса, якая паступае з паўднёвага захаду Еўропы. У наступныя дні тэмпературы знізяцца, аднак навальніцы захаваюцца.
