Французскія знішчальнікі, якія патрулююць паветраную прастору Латвіі, упершыню збілі беспілотнік. Пра гэта паведамілі Нацыянальныя ўзброеныя сілы краіны.
“Знішчальнікі саюзнікаў паспяхова збілі беспілотнік, які ўварваўся ў паветраную прастору Латвіі!” — гаворыцца ў паведамленні.
Адзначаецца, што беспілотнік трапіў у паветраную прастору Латвіі ў выніку прымянення РФ сродкаў радыёэлектроннай барацьбы.
Сёння раніцай у Латвіі было абвешчана пра верагодную паветраную пагрозу. Аранжавы ўзровень небяспекі абвяшчаўся ў Рэзэкненскім і Лудзенскім краях, а таксама паведамлялася, што пагроза магчымая ў Алуксненскім і Балвскім краях.
Пасля паведамлення пра збіццё БПЛА пагроза была адменена.
Нагадаем, раней самалёты НАТА знішчылі беспілотнікі ў Эстоніі.
🔥 Падтрымайце Reform.news данатам!
