Нацыянальны банк Беларусі апублікаваў даследаванне “Партрэт крэдытаатрымальніка фізічнай асобы” па выніках 2025 года.
У мінулым годзе фізічныя асобы заключылі 1,96 млн крэдытных дагавораў. Усяго ж на 1 студзеня было 5,2 млн дзейных дагавораў на агульную суму 44,9 млрд рублёў.
45,7% дагавораў было заключана на мужчын на суму 23,2 млрд рублёў, а 54,3% дагавораў заключылі жанчыны на суму 21,7 млрд рублёў.
Сярэдняя сума аднаго крэдыту склала 8,7 тыс. рублёў, што на 1,1 тыс. рублёў больш, чым у 2024 годзе. Сярод мужчын сярэдняя сума крэдыту склала 9,8 тыс. рублёў, а жанчын — 7,7 тыс. рублёў.
Асноўнымі атрымальнікамі крэдытаў былі людзі ва ўзросце ад 26 да 45 гадоў. На іх долю прыпадала 2,6 млн дагавораў на суму 29,5 млрд рублёў.
Найбуйнейшым крэдыторам фізічных асоб у Беларусі з’яўляецца “Беларусбанк”. На долю гэтай фінансавай установы прыпадае 29,3% заключаных дагавораў і 54,8% агульнай сумы запазычанасці фізічных асоб.
