Следчы камітэт завёў крымінальную справу на 25-гадовага жыхара Гродна. Малады чалавек абвінавачваецца ў махлярстве.
Паводле версіі следства, ён падманваў маркетплейс. Схема была простая. Мужчына замаўляў на маркетплейсе два аднолькавыя тавары: адзін брэндавы і яго копію па больш нізкай цане. Затым ён мяняў упакоўку і рабіў вяртанне. Пры гэтым назад прадаўцу вярталася больш танная копія, а брэндавы тавар гродзенец пакідаў сабе, а пасля прадаваў праз інтэрнэт.
Такую схему падазраваны рэалізаваў некалькі разоў.
“Устаноўлена, што сваімі дзеяннямі мужчына прычыніў шкоду на суму звыш 4 тысяч рублёў, частку ён ужо кампенсаваў. У ходзе следства падазраваны віну прызнаў цалкам і распавёў следчаму, што яму не хапала грашовых сродкаў, таму ён прыдумаў свой спосаб заробку”, — распавялі ў СК.