Два гады таму ў відэа да 60-годдзя Віктара Бабарыкі Міката Мелказёраў сфармуляваў тры пытанні да палітзняволенага палітыка. Гэты былі тыя пытанні, якія б журналіст задаў бы, калі б яны сустрэліся.
Сёння, на 40 дзён з дня смерці вядоўцы праграмы «Жыццё-маліна», вызвалены Віктар Бабарыка даслаў адказы Мікіту. «Прабач, што не было магчымасці пагутарыць пры сустрэчы. Аднак я веру, што цябе спаткаюць мае адказы там, дзе ты зараз. Мы – назаўсёды разам», – напісаў Віктар Бабарыка ў сваім Facebook.
1. Наколькі лёгка ці цяжка захаваць веру ў людзей?
Захаваць веру ў людзей лёгка, калі ты разумееш, што ў любых абставінах і асяроддзі, дзе б ты не апынуўся і дзе вакол цябе не вельмі добрыя і прыемныя людзі, колькасць гэтых людзей мізэрная. У параўнанні з той колькасцю, з якой табе пашанцавала сустракацца ў жыцці.
2. Наколькі лёгка ці цяжка захаваць веру ў Беларусь?
Захаваць веру ў Беларусь таксама лёгка, таму што для мяне Беларусь – гэта беларусы. А яны, у сваёй большасці, шчырыя, добрыя і неабыякавыя да іншых людзей. І гэта, нягледзячы на тое, што сёння за гэтую дабрыню і павагу многія з іх праходзяць праз катаванні.
3. Наколькі лёгка ці цяжка не зламацца?
Не зламацца цяжэй. Таму што, калі ты не ведаеш нічога аб тым, як выглядае свет і як ён да цябе ставіцца, калі табе кажуць, што ты нікому не патрэбны і ўсе пра цябе забылі, калі аб гэтым сведчыць усё навокал, то гэтыя не фізічныя, а псіхалагічныя катаванні, вельмі непрыемныя. Аднак адзіны сродак пераадолець гэта – разуменне, што ведаць – не заўсёды важна. Большую ролю мае вера ў тое, пра што я адказаў у першых двух пытаннях.
Падпісвайцеся на культурныя навіны Reform.news у Telegram
