Прэм’ер-міністр Аляксандр Турчын сёння правёў рабочую сустрэчу па пытаннях арганізацыі школьнага харчавання. Раней шмат увагі гэтай тэме надаваў яго папярэднік на пасадзе кіраўніка ўрада Раман Галоўчанка.
Як паведамілі ў прэс-службе Саўміна, па выніках сустрэчы было прынята рашэнне “ўдасканаліць прынцыпы арганізацыі аднаразовага харчавання, якое стане аднолькавым для школьнікаў, якія навучаюцца і ў першую, і ў другую змену”.
Акрамя таго, нормы харчавання вызначаць для трох узроставых груп: 1-4 класы, 5-7 класы, 8-11 класы. Цяпер нормы харчавання вызначаюцца для двух узроставых груп: 6-10 гадоў і 11-18 гадоў.
Мяркуецца пашырыць выкарыстанне паўфабрыкатаў у школьным харчаванні.
🔥 Падтрымайце Reform.news донатам!
