24 снежня прэм’ер-міністр Аляксандр Турчын правёў устаноўчае пасяджэнне Савета па развіцці прадпрымальніцтва, паведамляе прэс-служба ўрада.
Турчын прапанаваў удзельнікам сустрэчы актывізаваць працу саветаў па развіцці прадпрымальніцтва ў абласцях і раёнах. Ён таксама заявіў, што Савет павінен займацца сістэмнымі праблемамі эканомікі, а не вырашаць праблемы асобных прадпрыемстваў.
«Хацеў бы, каб вы выказаліся наконт павышэння эфектыўнасці працы савета: не вырашалі вузкія задачы канкрэтнага прадпрыемства, а ўсё ж больш глядзелі на сістэмныя і глабальныя праблемы, якія існуюць у эканоміцы», — заявіў Турчын.
Пасяджэнні Савета плануецца праводзіць не радзей за адзін раз у квартал.
Склад Савета быў абноўлены 10 снежня. У яго ўваходзяць 27 чалавек разам са старшынёй Турчыным.