Прэзідэнт ЗША Дональд Трамп абнавіў абмежаванні і забароны на ўезд на тэрыторыю краіны для грамадзян шэрагу дзяржаў.
Як паведамілі ў прэс-службе Белага дома, па-ранейшаму пад забаронай застаецца ўезд з такіх краін, як Афганістан, М’янма, Чад, Рэспубліка Конга, Экватарыяльная Гвінея, Эрытрэя, Гаіці, Іран, Лівія, Самалі, Судан і Емен.
Дадаткова ў спіс уключаны Буркіна-Фасо, Малі, Нігер, Паўднёвы Судан і Сірыя.
Таксама ўводзяцца ліміты на ўезд для асоб, якія маюць праязныя дакументы, выдадзеныя палестынскімі ўладамі.
Уводзяцца ліміты на ўезд для грамадзян Лаоса і Сьера-Леонэ.
Падаўжаюцца абмежаванні на ўезд грамадзян Бурундзі, Кубы, Тога і Венесуэлы. Адначасова аслаблены абмежаванні для Туркменістана. Грамадзяне гэтай краіны зноў могуць прэтэндаваць на неіміграцыйныя візы, але выдача іміграцыйных віз для іх забароненая.
Абмяжоўваецца ўезд для грамадзян Анголы, Антыгуа і Барбуды, Беніна, Кот-д’Івуара, Дамінікі, Габона, Гамбіі, Малаві, Маўрытаніі, Нігерыі, Сенегала, Танзаніі, Тонгі, Замбіі і Зімбабвэ.
