Прэзідэнт ЗША Дональд Трамп на сустрэчы з эмірам Катара на палях саміту G7 заявіў, што Расія павінна заключыць здзелку. Так ён адказаў на пытанне журналістаў пра сваю сустрэчу з Уладзімірам Зяленскім, які таксама ўдзельнічае ў мерапрыемстве.
“Ну, у нас была адна сустрэча. Добрая сустрэча. Паслухайце, Расіі варта заключыць здзелку. Расія страціла велізарную колькасць людзей, як і Украіна.
У мінулым месяцы яны страцілі 35 тыс. салдат на дваіх. Толькі падумайце. У сярэднім штомесяц яны губляюць 25 тыс. чалавек. Пераважна салдат, маладых, прыгожых людзей.
І гэта вар’яцтва, што там адбываецца, але ў нас была сустрэча, і мы паглядзім, як усё складзецца. Я размаўляў з прэзідэнтам Пуціным у нядзелю, і сітуацыя прыкладна тая ж. Гэта значыць, яны працягваюць ваяваць, губляюць салдат. Яны губляюць так шмат салдат. Такога не было з часоў Другой сусветнай вайны ці чагосьці падобнага. Я ўрэгуляваў восем войнаў. Гэтая, як мне здавалася, будзе самай лёгкай для ўрэгулявання. Проста паміж двума лідарамі існуе вялікая непрыязнасць”, — сказаў ён.
Трамп адзначыў, што цяпер ЗША засяроджаныя на Іране. Ён таксама падкрэсліў, што расійска-ўкраінская вайна знаходзіцца за тысячы міль. Цяпер ЗША не даюць Украіне зброю, а прадаюць яе, за што плацяць краіны ЕС.
“Справа ў тым, што гэта ніяк на нас не ўплывае, акрамя таго, што мы прадаем зброю за тысячы кіламетраў. Але адзіная прычына, па якой я тут, — мне не падабаецца бачыць, як кожны месяц паміраюць 25 тыс. маладых людзей. Кожны месяц паміраюць 25 тыс. чалавек. Маладыя людзі, яны толькі пачынаюць сваё жыццё. Яны ідуць на гэты фронт, і іх падрываюць. І Украіна таксама губляе шмат людзей. Так, я буду рабіць усё, што ў маіх сілах”, — дадаў ён.
Трамп мае намер сёння правесці яшчэ адны перамовы з Уладзімірам Зяленскім.
