Валавы ўнутраны прадукт Беларусі ў студзені–маі склаў 118,6 млрд рублёў. У супастаўных цэнах ён вырас на 0,9% у параўнанні з аналагічным перыядам мінулага года. Па выніках чатырох месяцаў прырост ВУП складаў усяго 0,2%, а ў студзені–сакавіку адзначалася яго зніжэнне.
Індэкс-дэфлятар ВУП у студзені–красавіку склаў 110,1%.
Трэба адзначыць, што ў гэтым годзе, згодна з афіцыйным прагнозам сацыяльна-эканамічнага развіцця, зацверджаным Лукашэнкам, прырост ВУП павінен скласці 2,8% па выніках года.
Прадукцыйнасць працы па ВУП у студзені–красавіку скарацілася на 0,1% да 22 640,6 рубля.
Вытворчасць сельскагаспадарчай прадукцыі ва ўсіх катэгорыях гаспадарак у маі склала 2,37 млрд рублёў, павялічыўшыся ў параўнанні з маем мінулага года на 9,1%. У сельскагаспадарчых арганізацыях яна вырасла на 9,4% да 2,34 млрд рублёў. За пяць месяцаў вытворчасць ва ўсіх катэгорыях гаспадарак павялічылася на 4,3% да 10,49 млрд рублёў, а ў сельскагаспадарчых арганізацыях — на 4,6% да 10,35 млрд рублёў.
У маі ў сельскагаспадарчых арганізацыях было выраблена жывёлы і птушкі 160,2 тыс. т, што на 8,2% больш, чым летась, малака — на 3,1% больш, або 817,1 тыс. т. У студзені–маі вытворчасць жывёлы і птушкі вырасла на 5,3% да 769,8 тыс. т, а малака — на 2,7% да 3,82 млн т.
Аб’ём прамысловай вытворчасці ў маі склаў 18,25 млрд рублёў. Ён вырас у супастаўных цэнах на 3% у параўнанні з аналагічным месяцам 2025 года. За студзень–май прамысловая вытворчасць знізілася на 1,4% да 88,39 млрд рублёў.
Складскія запасы у прамысловасці на 1 чэрвеня склалі 11,91 млрд рублёў. У параўнанні з 1 мая яны выраслі на 160 млн рублёў. Да гэтага на працягу двух месяцаў запасы зніжаліся. Узровень складскіх запасаў склаў 84,1% ад сярэднямесячнага аб’ёму вытворчасці, павялічыўшыся за месяц на 1,6 п.п.
Інвестыцыі ў асноўны капітал у маі склалі 5,1 млрд рублёў. Яны за год выраслі на 9,6%. Па выніках пяці месяцаў інвестыцыі выраслі на 1,5% да 20,8 млрд рублёў.
У маі ў эксплуатацыю было ўведзена 235,5 тыс. кв. м жылля агульнай плошчы, што на 23,2% больш, чым год таму, у тым ліку будаўніцтва жылля з дзяржпадтрымкай скарацілася на 19,7% да 27 тыс. кв. м. Па выніках студзеня–мая ўвод жылля ў эксплуатацыю зменшыўся на 19,5% да 1,08 млн кв. м, у тым ліку з дзяржпадтрымкай — на 38,8% да 152,2 тыс. кв. м.
Грузаабарот у студзені–маі вырас на 1,1% да 29,45 млрд тона-кіламетраў, пасажырскія перавозкі павялічыліся на 0,8% да 704,1 млн чалавек.
Рознічны тавараабарот у маі склаў 9,9 млрд рублёў. Ён вырас на 5,1% у параўнанні з аналагічным месяцам 2025 года. Па выніках студзеня–мая абарот розніцы павялічыўся на 7,1% да 44,56 млрд рублёў.
Аптовы абарот у маі вырас на 5,1% да 15,5 млрд рублёў. За пяць месяцаў ён скараціўся на 0,6% да 73,86 млрд рублёў.
Абарот у грамадскім харчаванні ў маі вырас на 4,4% да 701,9 млн рублёў. Па выніках пяці месяцаў ён павялічыўся на 0,5% да 3,09 млрд рублёў.
