Сіноптыкі абнавілі папярэджанне аб небяспечных умовах надвор’я. Аранжавы ўзровень небяспекі на выхадныя пакінуты ў сіле. Удакладнены максімальныя чаканыя тэмпературы.
“Удзень 26 чэрвеня (пятніца) па захадзе рэспублікі максімальная тэмпература паветра дасягне +30… +32°С.
Удзень 27 чэрвеня (субота) па захадзе рэспублікі +30… +34°С, месцамі па Брэсцкай вобласці яна складзе +35°С”, — гаворыцца ў папярэджанні.
Мяркуючы па трохдзённым прагнозе Белгідрамета, спёка не пакіне Беларусь і ў нядзелю. Мінімальная тэмпература паветра ўначы складзе +13… +20°С, максімальная ўдзень — ад +29°С па паўночным усходзе да +37°С па захадзе.
🔥 Падтрымайце Reform.news данатам!
