Сайт кінафестывалю «Паўночнае ззянне» прызналі «экстрэмісцкім» у Беларусі

Міністэрства інфармацыі абнавіла «Рэспубліканскі спіс экстрэмісцкіх матэрыялаў». Сярод іншага, у яго ўключылі сайт кінафестывалю «Паўночнае ззянне» і Facebook-акаўнт яго заснавальніцы Волі Чайкоўскай. Адпаведнае рашэнне прыняў суд Кастрычніцкага раёна Віцебска 19 студзеня 2026 года.

Таксама ў пералік унеслі:

• сайт праекта «freeviasna»;
• сайт кампаніі «Не смяротнаму пакаранню ў Беларусі»;
• TikTok-акаўнт «Вясны»;
• акаўнты ў Threads «Кастусь Супраць», «girikalex», «БРЦ / Беларускi расследавальнiцкi цэнтр», «Андрусь Белавешкiн»;
• старонкі ў TikTok «Ольга Карач», «Андрусь Белавешкiн»;
• старонкі ў «Одноклассниках» «Александр Ластовский», «Александр Журавлёў», «Егор Минаков»;
• YouTube-канал «БЕЛСАТ SHORTS»;
• старонка ў Instagram «vslep»;
• старонкі ВКонтакте» «Мы за новае жыццё!», «Шацилкавичская Поллитралагичэская блаблаторыя».

Нагадаем, беларускія ўлады рэгулярна выкарыстоўваюць абвінавачанні ў экстрэмізме для барацьбы з палітычнымі апанентамі і іншадумствам у цэлым.