Міністр замежных спраў Беларусі Максім Рыжанкоў выказаў падтрымку Азербайджану. Як паведамілі ў МЗС, сёння па ініцыятыве беларускага боку адбылася размова Рыжанкова з міністрам замежных спраў Азербайджана Джэйхунам Байрамавым.
“Кіраўнік МЗС Беларусі ў сувязі з інцыдэнтам, што адбыўся ў Нахічэвані, выказаў заклапочанасць эскалацыяй на Блізкім Усходзе, адзначыўшы высокія рызыкі далейшага пашырэння канфлікту і ўцягвання ў яго трэціх краін. Выказаў словы шчырай падтрымкі кіраўніцтву Азербайджанскай Рэспублікі і дружалюбнаму азербайджанскаму народу”, — гаворыцца ў паведамленні.
Байрамаў у сваю чаргу праінфармаваў беларускага міністра пра сітуацыю ў рэгіёне, наступствы атакі беспілотнікаў і меры, якія прымае Азербайджан.
Бакі адзначылі важнасць захавання міру і стабільнасці ў рэгіёне, а таксама ролі дыпламатычных рычагоў у пытаннях урэгулявання.
МЗС Азербайджана пакуль не паведамляў пра размову з беларускім міністрам.
Нагадаем, учора ў Нахічэвані ў раёне аэрапорта выбухнулі беспілотнікі. МЗС Азербайджана асудзіў атаку Ірана. У сваю чаргу ў Іране заявіў, што не атакаваў тэрыторыю Азербайджана.
