Дырэктар ФБР Кэш Патэл збіраецца ў кастрычніку наведаць Расію. Пра гэта паведамляе Politico са спасылкай на амерыканскага чыноўніка і дасведчаную крыніцу.
Візіт можа адбыцца 14–15 кастрычніка. Патэл прыедзе ў Маскву, а затым у Санкт-Пецярбург. Прымальным бокам, паводле звестак выдання, будзе выступаць ФСБ РФ.
Адзначаецца, што незразумела, ці будзе арганізаваная сустрэча з Уладзімірам Пуціным або прадстаўнікамі яго адміністрацыі.
Парадак дня візіту Патэла таксама невядомы. Выданне адзначае, што планы кіраўніка ФБР могуць быць перагледжаныя.
Роберт Мюлер быў апошнім дырэктарам ФБР, які, як вядома, наведваў Расію. Гэта адбылося ў 2013 годзе. Пазней Мюлер быў прызначаны спецыяльным пракурорам для расследавання сувязяў паміж прэзідэнцкай кампаніяй Трампа 2016 года і Расіяй, а таксама больш шырокіх спробаў Расіі ўмяшацца ў выбары ў ЗША.
