Цырымонія развітання з журналістам Мікітам Мелказёравым адбудзецца 30 снежня ў Варшаве. Яна пройдзе з 12 да 15 гадзін. Пра гэта паведамілі яго блізкія. Месца правядзення развітання пакуль не называецца ў мэтах бяспекі. Пра яго паведамяць пазней.
Нагадаем, журналіст Мікіта Мелказёраў памёр у Польшчы ў ноч з 20 на 21 снежня. Яму было 37 гадоў. Польская пракуратура пачала расследаванне яго смерці па артыкуле аб ненаўмысным забойстве. Гэта традыцыйная фармулёўка, якая ўжываецца, калі прычына смерці невядомая. У панядзелак з’явілася інфармацыя, што праведзена ўскрыццё цела. Вынікі экспертызы стануць вядомыя праз некалькі месяцаў.
🔥 Падтрымайце Reform.news данатам!
