Следчы камітэт расследуе гібель 39-гадовага рабочага ў Гродне. На пачатку мая яго прыціснула пагрузчыкам. Падазраваным па справе прызнаны 48-гадовы майстар.
Паводле версіі следства, майстар даручыў работніку змясціць у аўтамабіль мармуровую крошку ў мяккіх поліпрапіленавых кантэйнерах з дапамогай вілачнага пагрузчыка.
“Знаходзячыся на рампе крытага склада, мужчына прыступіў да выканання задання, калі з-за перагрузу тэхніка перакулілася і прыціснула яго. Калегі выцягнулі пацярпелага з-пад тэхнікі, але ён быў ужо без прытомнасці. Брыгада хуткай медыцынскай дапамогі, якая прыбыла, канстатавала яго смерць”, — распавялі ў СК.
Майстар паведаміў, што ведаў пра адсутнасць у загінулага допуску да работ на пагрузчыку і пра тое, што ён не можа ім кіраваць, аднак, нягледзячы на гэта, даў указанне. Таксама высветлілася, што загінулага раней неаднаразова прыцягвалі да выканання задач, якія не ўваходзілі ў яго службовыя абавязкі і патрабуюць спецыяльнай кваліфікацыі.
Крымінальная справа расследуецца паводле ч. 2 арт. 306 (“Парушэнне правілаў аховы працы, якое пацягнула па неасцярожнасці смерць чалавека”) Крымінальнага кодэкса.