Пасля прарыву водаправода ў завулку Чарвякова спецыялісты праводзяць абследаванне падтопленых участкаў. Пра гэта паведамілі ў адміністрацыі Цэнтральнага раёна, пішуць «Мінск-Навіны».
Прычыны пашкоджання трубаправода дыяметрам 600 мм, якое адбылося 9 снежня, пакуль высвятляюцца.
Нагадаем, з-за аварыі на ўчастку квартала Новавіленская — Чарвякова — М. Багдановіча — Някрасава — Арлоўская — бульвар Шаўчэнкі адбылося зніжэнне ціску вады, што прывяло да збояў у водазабеспячэнні, а таксама да падтаплення асобных прыватных домаўладанняў і агародаў.
У адміністрацыі адзначылі, што пашкоджанне лакалізавалі і падачу вады аднавілі поўнасцю.
«На дадзены момант звароты ад жыхароў раёна, звязаныя з учарашнім інцыдэнтам, ні ў электронным, ні ў пісьмовым выглядзе не паступалі, — распавялі ў адміністрацыі Цэнтральнага раёна. — Першы намеснік кіраўніка Аляксандр Мацэвіч наведаў уладальнікаў жылых дамоў, дзе былі падтоплены зямельныя ўчасткі і дапаможныя збудаванні, і ўдакладніў, ці патрэбна ім дапамога. Па дамоўленасці з домаўласнікамі будзе праведзена абследаванне маёмасці са складаннем адпаведнага акта ў выпадку выяўлення пашкоджанняў».
