МНС падвяло вынікі навальнічнага фронту, які ў панядзелак прайшоў па Гродзенскай вобласці.
Яшчэ ўчора паведамлялася, што ў Воранаўскім раёне пашкоджаны 140 дамоў. Як вынікае са зводкі МНС, у раёне таксама пацярпелі і пасевы: пашкоджаны палі кукурузы, цукровых буракоў, збожжавых, рапсу, лубіну, бульбы і гароху.
У Воранаўскім раёне пацярпелі 11 населеных пунктаў, у Лідскім – два, у Шчучынскім – чатыры. Пашкоджаны дахі 145 жылых дамоў, 46 гаспадарчых пабудоў і 27 сельскагаспадарчых будынкаў.
Зафіксаваны 109 выпадкаў падзення дрэў у сямі раёнах Гродзенскай вобласці і Гродне. Пашкоджаны тры аўтамабілі.
Пацярпелых няма.
🔥 Падтрымайце Reform.news данатам!