Прэс-сакратар Крамля Дзмітрый Пяскоў растлумачыў адсутнасць тэхнікі на парадзе 9 мая ў Маскве “аператыўнай абстаноўкай”.
«Гаворка ідзе пра аператыўную абстаноўку. Таму на фоне гэтай тэрарыстычнай пагрозы, вядома ж, прымаюцца ўсе меры па мінімізацыі небяспекі. Парад будзе. Але давайце не забываць усё ж такі, што ў мінулым годзе гэта быў юбілейны парад, шырокафарматны, такі, які павінен быць у круглую дату», – сказаў ён.
Як раней паведаміла Мінабароны РФ, у парадзе прыме ўдзел пешая калона, сфарміраваная з ваеннаслужачых вышэйшых ваенных навучальных устаноў усіх відаў і асобных родаў войскаў, а таксама адбудзецца паветраная частка парада.
Прэс-служба Аляксандра Лукашэнкі ў пачатку красавіка паведамляла, што ён збіраецца прысутнічаць на парадзе ў Маскве 9 мая.
