Акруговая пракуратура раёна Ахота ў Варшаве паведаміла пра затрыманне мужчыны, які напаў на беларускую спартсменку Аляксандру Герасіменю. Пра здарэнне стала вядома на гэтым тыдні.
Як паведамілі ў пракуратуры, затрыманы Марцін Н. падазраецца не толькі ў нападзе на беларускую спартсменку. У іншым выпадку мужчына ўдарыў пацярпелага нагой у правую галёнку і кулаком у твар, прычыніўшы яму траўмы.
«Марцін Н., дапытаны ў якасці падазраванага, прызнаў сваю віну ва ўчыненых яму дзеяннях і ў сваіх тлумачэннях заявіў, што пацярпелыя былі яго сябрамі, якім ён пазычыў грошы, а цяпер яны яго не пазнаюць», — паведамілі ў пракуратуры.
Суд пастанавіў арыштаваць мужчыну на 3 месяцы. Як адзначылі ў пракуратуры, на дадзеным этапе разглядаецца неабходнасць правядзення судова-псіхіятрычнага абследавання падазраванага.
На думку пракуратуры, сабраныя доказы сведчаць пра тое, што напад на беларускую віцэ-чэмпіёнку Алімпійскіх гульняў быў здзейснены не з-за яе нацыянальнай прыналежнасці. Таксама ў рамках следства высвятляецца, ці былі яшчэ пацярпелыя ад дзеянняў мужчыны.
