ЗША і Іран працягваюць абменьвацца ўдарамі шосты дзень запар.
Цэнтральнае камандаванне ЗША заявіла пра чарговы налёт, падчас якога былі паражаныя «дзясяткі іранскіх ваенных цэляў, такіх як аб’екты берагавой разведкі і супрацьпаветранай абароны, ваенна-лагістычная інфраструктура і марскія аб’екты». Таксама амерыканскія сілы працягваюць блакаду партоў Ірана.
Іранскі бок паведамляў пра ўдары па ваенных базах у горадзе Бушыр, востраве Кешм, партах Бендэр-Абас і Бендэр-Хемір, размешчаных у раёне Армузскага праліва. Акрамя таго, выбухі прагрымелі ў індустрыяльным горадзе Ахваз на паўднёвым захадзе краіны і аэрапорце горада Іраншэхр у паўднёва-ўсходняй іранскай правінцыі Сістан і Белуджыстан.
У сваю чаргу Іран абвясціў пра ўдар па авіябазе Сахір у Бахрэйне. Мэтай былі стаянкі баявых верталётаў і самалётаў-разведчыкаў P-8.
Акрамя таго, у Кувейце і Катары паведамілі пра адбіццё атакі беспілотнікаў і ракет.
