За мінулыя суткі літоўскія памежнікі не прапусцілі ў краіну з боку Беларусі 20 мігрантаў, якія спрабавалі трапіць у краіну нелегальна. Пра гэта паведаміла Служба аховы дзяржаўнай мяжы Літвы (VSAT).
Латвійскія памежнікі за той жа перыяд адмовілі ва ўездзе 18 мігрантам. Польская памежная служба ў пятніцу падобных выпадкаў не зафіксавала.
З пачатку 2026 года літоўскія памежнікі не дапусцілі незаконнага перасячэння мяжы з боку Беларусі 929 мігрантамі. У 2025 годзе гэты паказчык перавышаў 1,6 тысячы чалавек.
Усяго з пачатку міграцыйнага крызісу ў 2021 годзе Літва не прапусціла больш за 25,5 тысячы мігрантаў.
🔥 Падтрымайце Reform.news данатам!
