Міністэрства лясной гаспадаркі пастановай №4 ад 18 сакавіка павысіла цэны на паліўныя пелеты для часткі спажыўцоў. Дакумент сёння апублікаваны на Нацыянальным прававым інтэрнэт-партале і ўступае ў сілу пасля апублікавання.
Адпускная цана на пелеты для арганізацый камунальнай формы ўласнасці сістэмы Мінжылкамгаса, вытворцаў цэменту сістэмы Мінбудархітэктуры і арганізацый Мінэнерга павялічана на 11,76 рубля да 179,76 рубля за тону без ПДВ.
Адпускная цана для іншых спажыўцоў, а таксама рознічныя цэны не змяняліся.
Таксама пастанова Мінлясгаса аб рэгуляванні цэн на пелеты дапоўнена нормай аб тым, што яе дзеянне не распаўсюджваецца на продаж пелет праз БУТБ.
🔥 Падтрымайце Reform.news данатам!