Міністэрства энергетыкі перавяло энергазабяспечвальныя арганізацыі ў рэжым павышанай гатоўнасці. Узмоцнены кантроль за працай абсталявання падстанцый і лініямі электраперадачы.
Дадзеныя меры прымаюцца на фоне пахаладання. У бліжэйшыя ночы тэмпература паветра будзе паніжацца да 15–24 градусаў марозу, месцамі прагназуецца да 28 градусаў ніжэй за нуль.
“Падрыхтаваны рэзервовыя крыніцы электразабеспячэння. Да ліквідацыі магчымых тэхналагічных парушэнняў гатовыя 673 аварыйна-аднаўленчыя брыгады агульнай колькасцю каля 2,5 тыс. чалавек”, — гаворыцца ў паведамленні.
Таксама павышана тэмпература ў цепласетках краіны.
🔥 Падтрымайце Reform.news данатам!