У Мінску 3 ліпеня плануецца святочная праграма. Дзень Незалежнасці завершыцца святочным салютам.
Як паведаміла начальніца ўпраўлення культуры Мінгарвыканкама Кацярына Лучына, а 12:00 3 ліпеня пачне працаваць асноўная пляцоўка каля Палаца спорту. У праграме выступяць папулярныя беларускія артысты, маладыя таленты, аркестры, у тым ліку аркестр ГУУС Мінгарвыканкама і Нацыянальны акадэмічны канцэртны аркестр імя М. Я. Фінберга. Пляцоўка будзе працаваць да 21:00.
У Верхнім горадзе святочная праграма пройдзе з 15:00 да 17:00, а таксама з 19:00 да 21:00. Таксама запланаваны мерапрыемствы ў кожным з раёнаў сталіцы. Усяго будзе каля 20 пляцовак.
З 21:00 да поўначы каля стэлы «Мінск — горад-герой» пройдзе святочны канцэрт. Адбудзецца і акцыя «Праспяваем гімн разам!».
Салют прызначаны на 23:00. Страляць будуць на шасці пляцоўках: у парку Уга Чавеса, парку імя Паўлава, на набярэжнай у мікрараёне Дразды, парку Перамогі, пляцоўцы «Чыжоўка-Арэны», парку Купалы, пляцоўцы каля Нацыянальнай бібліятэкі.
