Міністэрства антыманапольнага рэгулявання і гандлю вынесла папярэджанне ТАА «АмантисМед» за неналежную рэкламу лекавага прэпарата.
У рэкламе «Вітавірыну» сцвярджалася, што ён падыходзіць для лячэння і прафілактыкі любога тыпу грыпу і любых ВРВІ. Аднак у інструкцыі да прэпарата было напісана, што ён ужываецца для лячэння і прафілактыкі грыпу толькі двух відаў і трох вострых рэспіраторных вірусных інфекцый, паведамляе прэс-служба МАРТ.
«АмантисМед» папрасілі выправіць рэкламу.
🔥 Падтрымайце Reform.news данатам!
