Аляксандр Лукашэнка сёння заслухаў даклад старшыні Гомельскага аблвыканкама Івана Крупко.
Як паведамілі ў прэс-службе Лукашэнкі, ён быў прысвечаны сітуацыі ў рэгіёне на фоне багатых снегападаў і надыходзячага цыклону. Крупко далажыў аб рабоце па забеспячэнні ўстойлівага функцыянавання інфраструктуры, расчыстцы вуліц і транспартных магістраляў. Нагадаем, учора ў Гомельскай вобласці дзейнічаў аранжавы ўзровень небяспекі з-за снегападаў. Лукашэнка цікавіўся, ці патрэбна рэгіёну нейкая дапамога.
Акрамя таго, ішла гаворка аб выкананні даручэнняў па выніках мінулагодняй нарады ў Віцебску, дзе абмяркоўваліся пытанні працы арганізацый АПК. Для гэтага ў тым ліку прыцягваюцца працоўныя рэсурсы прампрадпрыемстваў, якія аказваюць садзейнічанне сельскагаспадарчым арганізацыям.
