У Паўночнай Карэі адбыліся вучэнні з пускамі гіпергукавых ракет. Пра гэта гаворыцца ў заяве, распаўсюджанай ЦТАК. За вучэннямі назіраў кіраўнік КНДР Кім Чэн Ын.
“Гэтыя вучэнні, нацэленыя на ацэнку баявой гатоўнасці сістэмы гіпергукавых узбраенняў, праверку і пацвярджэнне здольнасці да выканання задач, адпрацоўку здольнасці ракетчыкаў да агнявой службы, праведзены ў рамках працы па аперацыйнай ацэнцы працягласці, эфектыўнасці і мабільнасці нашых сіл стрымлівання вайны”, — гаворыцца ў паведамленні.
Сцвярджаецца, што ракеты былі выпушчаныя з раёна Пхеньяна ў паўночна-ўсходнім напрамку і нанеслі ўдар па цэлях на адлегласці ў 1000 км у Японскім моры.
Як паведамляе агенцтва Yonhap, паўднёвакарэйскія вайскоўцы зафіксавалі пускі ракет, якія адбыліся ў нядзелю.
Адзначаецца, што фонам для іх паслужыў пачатак візіту прэзідэнта Паўднёвай Карэі ў Кітай.
