У Полацку вынеслі прысуд кіроўцу аўтобуса, па віне якога загінула 93-гадовая жанчына. Ён атрымаў 1,5 года калоніі-пасялення, паведамляе пракуратура Віцебскай вобласці.
Згодна з матэрыяламі справы, 61-гадовы кіроўца пачаў зачыняць дзверы, калі з аўтобуса выходзіла 93-гадовая пасажырка. Жанчына ўпала на праезную частку. Кіроўца мог убачыць, што жанчына ўпала, але пачаў рух і пераехаў яе. Пенсіянерка памерла на месцы здарэння ад траўм.
Суд Полацкага раёна і Полацка прысудзіў кіроўцу да 1,5 года калоніі ва ўмовах пасялення. Ён пазбаўлены правоў на 5 гадоў. Прысуд уступіў у сілу.
🔥 Падтрымайце Reform.news данатам!