Міністр замежных спраў Літвы Кястуціс Будрыс прывітаў рашэнне пракуратуры Міжнароднага крымінальнага суда пачаць расследаванне злачынстваў супраць чалавечнасці, учыненых рэжымам Лукашэнкі супраць беларускага народа.
«Ні адзін рэжым не павінен лічыць, што ён можа беспакарана падвяргаць катаванням, дэпартаваць, пераследаваць або прымушаць маўчаць сваіх апанентаў і грамадзян. Справядлівасць павінна перамагчы.
Масавыя і сістэматычныя напады на грамадзянскае насельніцтва павінны сустракаць выразны і паслядоўна ўжывальны механізм прыцягнення да адказнасці — бо адказнасць — гэта не толькі справядлівасць для ахвяр; гэта стрымліваючы фактар на будучыню», — напісаў ён у X, заявіўшы, што вінаватыя павінны быць прыцягнуты да адказнасці.
Нагадаем, у верасні 2024 года Літва перадала ў МКС матэрыялы аб трансгранічных злачынствах супраць чалавечнасці, учыненых Лукашэнкам у дачыненні да беларусаў.
Літва прасіла расследаваць здзейсненыя ў Беларусі, якая не з’яўляецца дзяржавай-удзельніцай МКС, злачынствы, указаўшы, што частка з іх была здзейснена на тэрыторыі Літвы — дзяржавы-ўдзельніцы МКС.
