28 жніўня міністр замежных спраў Беларусі Максім Рыжанкоў сустрэўся з намеснікам міністра замежных спраў Азербайджана Самірам Шарыфавым.
«Бакі станоўча ацанілі высокую дынаміку беларуска-азербайджанскага дыялогу на вышэйшым і высокім узроўнях, дружалюбны і канструктыўны характар міждзяржаўных адносін, дасягнутыя вынікі гандлёва-эканамічнага і гуманітарнага супрацоўніцтва», – паведамляе МЗС Беларусі.
Рыжанкоў і Шарыфаў пацвердзілі зацікаўленасць у далейшай актывізацыі ўзаемадзеяння паміж МЗС дзвюх краін.
Таксама сёння адбыліся беларуска-азербайджанскія міжмзсаўскія кансультацыі. Беларускую дэлегацыю ўзначаліў намеснік міністра замежных спраў Павел Уцюпін, азербайджанскую — Шарыфаў.
Удзельнікі мерапрыемства абмеркавалі стан і перспектывы развіцця палітычнага дыялогу, гандлёва-эканамічнага супрацоўніцтва і гуманітарнага ўзаемадзеяння паміж дзвюма краінамі, а таксама пацвердзілі гатоўнасць да працягу ўзаемадзеяння і ўзаемнай падтрымкі ў рамках глабальных і рэгіянальных міжнародных арганізацый.
«Па выніках кансультацый пацверджаны курс на далейшае ўмацаванне ўзаемнага даверу і паглыбленне адносін стратэгічнага партнёрства паміж Беларуссю і Азербайджанам», — заяўляе МЗС.
