Аляксандр Лукашэнка заявіў, што старшыню ўрада Расіі Міхаіла Мішусціна чакаюць у Беларусі ў пачатку кастрычніка.
“У нас ёсць шэраг мерапрыемстваў чыста спецыфічных для Міхаіла Мішусціна. Вы абавязкова прыязджайце”, – запрасіў ён.
У гэты перыяд у Мінску запланаваны пасяджэнні Савета Міністраў Саюзнай дзяржавы і Еўразійскага міжурадавага савета. Акрамя таго, у беларускай сталіцы пройдзе II Міжнародная прамысловая выстава «ІНАПРОМ. Беларусь».
Лукашэнка таксама згадаў нядаўнюю сустрэчу з першым намеснікам старшыні ўрада Расіі Дзянісам Мантуравым, якая адбылася ў Мінску.
“Мы правялі з ім змястоўную сустрэчу. Яна датычылася не толькі прамысловасці, але мы шмат гаварылі пра эканоміку нашых дзяржаў. Пацвердзілі нашы сумесныя праекты і ў авіябудаванні, і ў ваенна-прамысловым комплексе. Па ўсіх пытаннях знайшлі поўнае ўзаемаразуменне”, – заявіў ён.
