Раніцай 22 студзеня ваенна-марскія сілы Францыі правялі дагляд і перанакіравалі нафтавы танкер, які накіроўваўся з Расіі. Аперацыя была праведзеная ў Міжземным моры пры падтрымцы саюзнікаў Францыі.
«Сёння раніцай ВМС Францыі правялі дагляд нафтавага танкера, які накіроўваўся з Расіі, знаходзіцца пад міжнароднымі санкцыямі і падазраецца ў выкарыстанні ілжывага сцяга», — напісаў прэзідэнт Францыі Эманюэль Макрон у сацыяльнай сетцы X.
Судна было перанакіравана. Пачата судовае расследаванне.
Макрон заяўляе, што аперацыя ажыццяўлялася ў строгай адпаведнасці з Канвенцыяй ААН па марскім праве.
«Мы поўныя рашучасці выконваць міжнароднае права і забяспечваць эфектыўнае выкананне санкцый. Дзейнасць так званага «ценявога флоту» спрыяе фінансаванню вайны агрэсіі супраць Украіны», — заявіў Макрон.
