Каціроўкі нафтавых ф’ючарсаў на марку Brent у аўторак замацаваліся вышэй за адзнаку 80 долараў за барэль. Сёння на таргах кошт ф’ючарса дасягаў 84,98 долара за барэль.
Нафта даражэе на фоне аперацыі ЗША і Ізраіля супраць Ірана, якая ўжо прывяла да спынення руху праз Армузскі праліў, што з’яўляецца адзіным марскім шляхам экспарту нафты для большасці краін Персідскага заліва. Дадаткова біржы падагрэла заява Ірана пра тое, што судны, якія спрабуюць прайсці праз праліў, будуць атакаваныя.
Амерыканская нафта WTI таксама даражэе. Яе каціроўкі выраслі на 7,83% да 76,81 долара за барэль.
Фондавыя біржы ў Азіі і Еўропе таксама сёння рэагуюць зніжэннем індэксаў. Пры гэтым тэмпы зніжэння паскорыліся. Асноўныя азіяцкія біржавыя індэксы знізіліся на 1,1-3,2%, а еўрапейскія – на 3-4,5%.
