Еўрасаюз ужо на наступным тыдні можа пералічыць Украіне першы транш крэдыту на 90 млрд еўра, які павінен прафінансаваць дзяржаўныя і абаронныя патрэбы Кіева ў 2026-2027 гадах.
«Я спадзяюся, што на наступным тыдні мы зможам зрабіць першы плацёж», — заявіла сёння еўракамісарка па пашырэнні Марта Кос.
Нагадаем, фінансаванне было ўзгодненае лідарамі ЕС, аднак фінальнае рашэнне блакавалася Венгрыяй. Яе вета было знята пасля паразы Віктара Орбана на парламенцкіх выбарах.
Марта Кос таксама выказала надзею на хуткі пачатак перамоў пра сяброўства Украіны ў ЕС.
«Я паспяшаю міністраў сёння, таму што мы можам пачаць перамовы па першым кластары яшчэ да заканчэння кіпрскага старшынства ў Радзе ЕС, а астатнія пяць кластараў можам адкрыць у ліпені», — сказала яна.