Старшыня Камітэта дзяржаўнага кантролю Васіль Герасімаў у Нацыянальным сходзе заявіў, што ў 2025 годзе яго ведамства спыніла “100 злачынстваў, звязаных з фінансаваннем тэрарызму і экстрэмізму”.
“У мінулым годзе спынена 100 такіх злачынстваў. У працэсе супрацьпраўнай дзейнасці зламыснікі выкарыстоўвалі спецыялізаванае праграмнае забеспячэнне, тэхнічныя сродкі, рэсурсы сеткі Інтэрнэт, а таксама тэхналогію блокчэйн”, — сказаў ён, перадае БелТА.
Трэба адзначыць, што ў Беларусі абвінавачанні ў экстрэмізме і тэрарызме рэгулярна выкарыстоўваюцца для барацьбы з апанентамі Лукашэнкі і іншадумствам у цэлым, а пад “фінансаваннем экстрэмізму і тэрарызму” разумеюцца данаты не пажаданым уладам арганізацыям, у тым ліку ў дабрачынныя фонды.
🔥 Падтрымайце Reform.news данатам!
